Бикипиэдьийэ — бу элбэх омук тылынан суруллар аһаҕас энциклопедия
Манна ким баҕалаах талбыт ыстатыйатын уларытар эбэтэр саҥа ыстатыйаны
суруйар кыахтаах. Билигин Бикипиэдьийэҕэ 7839 сахалыы, уонна атын 271
омук тылларынан өссө 19 мөлүйүөнтэн тахса ыстатыйа баар.
Биһиги санаабытыгар дьон элбэхтик кытыннаҕына, бэрт эбит диэн
биһирээтэҕинэ, сүрдээх, кэскиллээх буолар туруктаах
бырайыак. Английскайдыы, нууччалыы салаалар балысханнык сайда
тураллар, онон Бикипиэдьийэ сотору кэминэн аатырбыт Британниканы
куоһарар кыахтаах. Күн-түүн ис хоһооно да тупса, ыстатыйатын ахсаана
да элбии турар.
Яков Федорович Санников (1844—1908) — өбүгэлэрин үгэстэрин тутуһан
нуучча уонна омук полярниктарыгар сүҥкэн улахан үтүөнү-өҥөнү оҥорбут
саха атыыһыта. Кини суон сураҕа Муустаах байҕал кытыытынан эрэ
буолбакка, бүтүн Россия үрдүнэн биллибит. Булуҥҥа былыр «халлааҥҥа
таҥара, биһиэхэ Яков Санников» дииллэр эбит. 1886 сыллаахха доктор
Бунге экспедициятыгар көмөлөспүт. 1894 сыллаахха барон Толль
Ф.Нансеҥҥа депо тутарыгар көмөлөспүт. Ол өҥөлөрүн иһин икки кыһыл
көмүс мэтээлинэн наҕараадаламмыт (онтон биирин Швеция ыраахтааҕыта
Оскар биэрбит).
Аан дойдуну бастакынан эргийбит киһинэн Магеллааны ааттыыллар эрээри,
кини айанын кыайан түмүктээбэҕэ - төннөн иһэн Лапу-Лапу диэн
испааннары утары сэриилэспит киһи илиититтэн өлбүтэ.
Франция протестааннарын (кальвинистары) гугеноттар диэн ааттыыллар. Бу
дьону католиктар сөбүлээбэккэ биир түүн иһигэр 3000 тахса киһини
өлөрбүттэрэ.
Тиэкис Creative Commons Attribution/Share-Alike лицензия
усулуобуйатынан тарҕанар, сорох түбэлтэҕэ эбии көрдөбүллэр баар
буолуохтарын сөп. Сиһилии Туттуу усулуобуйатын көр.
Сахалыы Бикитиэкэ тургутар эрэсиимҥэ 3 сыл кэриҥэ үлэлээн баран бу
соторутааҕыта туһунан домен ылла. Онон өссө биир сахалыы туһунан
ситим-сир баар буолла. Киирэн сахалыы кинигэлэри, айымньылары ааҕыҥ,
саҥа тиэкистэрдэ угаҥҥыт көмө буолуҥ.

