Sete tutti invitati à participà à u prugettu di 'ssu mese: scrive i
toponimi di tutte e cumune di Corsica in wikipedia in lingua
corsa. Quelle chì sò dighjà abbastanza cumplette: Frassetu,
Ghjunchetu, Laretu di Tallà, Pedicorti di Gaghju. Scrivite quì i
toponimi di u vostru paese o a vostra cità.
Samperu Corsu (o Sampieru Corsu) hè un parsunaghju celebru di
Corsica. Fiddolu di capraghju è purcaghju, hè natu u 23 di maghju 1498
in Bastelica (in u poghju di Duminicacci). Ghjuvanottu, diventa
cunduttieru ; si missi tandu à u sirviziu di Ghjuvanni di Medici in
Firenza è dopu à u sirviziu di i rè di Francia, Francescu u prima è
Arrigu II. U corsu scumbatti ancù curaghju è lotta accantu
Bayard. Diventa culuneddu di l'infantaria corsa. In 1547 Samperu Corsu
rientra in Corsica è spusa a so cucinedda Ghjuvannina, chjamata dopu
Vannina d'Urnanu, ricca è più ghjovana di 32 anni. I genuvesi si
misfidani d'issu vecchju suldatu : u facini ancu imprighjunà. Libaratu
da u rè francesu Arrigu II, vedi a so casa di Bastelica strisciata da
i genuvesi. Era un'offesa murtali ! Samperu Corsu circò à vindicà si
d'eddi duranti tutta a so vita. Par fà a guerra contra a Republica
genuvesa s'adunisci ancu à u rè di Francia è à i Turchi. In 1553 a
cunquista di l'isula hè dicisa. I suldati francesi, a marina turca è
Samperu Corsu sbarcani in Bastia.
Ultima mudifica di a pagina: u 23 dicembre 2008, 12:01
Scrive un articulu, o ancu sè vo truvete un sbagliu, currighjitelu
puru ! Scrivete in suttanacciu o in supranacciu, cume vo vulete:
diversità face ricchezza. Fate a sperienza di scrive un articulu,
senza teme di sbaglià vi: si sbaglia ancu u prete à l'altare ! Pudete
vede per esempiu Pruvà à scrive un articulu. Videte dinù i cunsigli
per scrive un articulu. U più simplice per cumincià hè di cumplittà un
articulu. Videte l'articuli da cumplittà. Si pò dinù traduce un
articulu, per esempiu da a wikipedia in sicilianu, talianu o
francese. Videte Articuli da traduce.
U scopu di stu prugettu hè di prumove a lingua corsa
è di fà cunnosce l'isula di Corsica nantu à a Reta è in u mondu.
