Ayu Paul God ana kokomaim eafu atit Keriso Jesu ana Tur abarayan amatar 
taituwa Sosthenes airi.
Taitu, ayu ana kwa abinanawani ana veya’amaim, men au manam abotait, 
tur fokarih imaim ao, God ana kirikirifot tur anababatun a binan 
kwanowaramih.
Taitu ayu men karam boro sabuw iyab God Anunin hibai hima’am au’uwih 
na’atube kwa au’uwimih. Baise tafaram ana naniyanamaim au’uwi, anayabin 
kwa a baitumatum Keriso wanawananamaim men ra’at. Kwa a’itinin i kek 
sosof na’atube.
Naatu boun it i Keriso ana akir wairafih na’atube sabuw hina’itit, 
naatu God ana buriburih koubuna’ayah na’atube hina’itit.
Naatu kwa aisim kwabi’o’orot? Ana gewasin kwatiyababan kwatarerey, orot 
nati bowabow kakafin sisinaf a kou’ayomaim kwatabotait.
Kwa taiyuw wanawanamaim o tura ta airi kwabi’osukwaraben, aisim kwabai 
kwan sabuw iyab God men hisusu’ub teyayabunei?
Boun i kwa fefemaim abisa isan kwakikirum i anao kwananowar. Orot yait 
tabina’e asir ema’am i gewasin maiyow.
Baise orot yait God ebiyabow God nati orot i su’ub naatu ekakaif.
Sabuw ayu tegam tiu’uwu ana maramaim ayu iti na’atube ao awawasfafaru.
Rofom wanawanan naatu riy wanawanan hirarabon ana veya, etei bapataito 
hibai Moses ana bai’ufununayah himatar.
Ayu sawar ta ta’amaim mar etei kwanunuhu isan naatu bai’obaiyen abit 
kwabukikin kwama’am isan, a merar ayi abobora’ara’ahi.
Boun i kwa Anun Kakafiyin ana usar isan kwabibat i anao kwananowar. 
Taitu ayu men akokok kwa aur kasiy na’atube nama’amih.
Ayu i karam boro menau nabotabir sabuw hai turamaim anao, o tounamatar 
hai tur anao, baise auru yabow en na’at, au tur ao i naniyan en ber 
terab etefotef na’atube.
Orot yait menan botabir tur ta’amaim eo i men sabuw isah eo, baise God 
isan eo. Anayabin men yait ta so’ob tur boro nanowar naniyan nab, nati 
tur i Anun Kakafiyin ana fairane tur anababatun wa’iwa’irin eo.
Taitu, boun i akokok tur gewasin abinan kwanowar, imaim yawas kwabai, 
naatu imaim kwabatabatkikin isan nuhi akukusib.
