Poronɨ —Nionɨ Gorɨxo xegɨ' nɨwimo'nɨrɨŋɨ'pimɨ da'nɨ gɨ' i'wɨ' Jisasɨ 
Kiraisoya' wa'ɨ' wurɨmeiarɨŋɨ' wo imo'nɨ'wɨnɨgɨnɨrɨ we'yo ɨ'a' 
numɨrɨŋonɨrɨnɨ. Nionɨ negɨ' nɨrɨxɨ'mea'o, Soteniso tɨ'nɨ nawi'nɨ 
nɨŋwearɨ'na'
Gɨ' nɨrɨxɨ'mea'yɨ'ne', nionɨ iwamɨ'o' nɨseai'mearɨ xwɨyɨ'a' Gorɨxoya' 
i'nɨmɨ imo'nɨŋɨ'pɨ wa'ɨ' nɨsearɨrɨ'na' “Poro nɨjɨ'a' sea'yɨ e 
imo'nɨŋorɨ'anɨ?” oniaiwi'poyɨnɨrɨ xwɨyɨ'a' xwe' imo'nɨŋɨ' rarɨgɨ'a'pɨ 
tɨ'nɨ searɨrɨ a'mae'ne negɨ' dɨŋɨ'yo da'nɨ dɨŋɨ' e'mɨ' sai'mɨ' 
moarɨŋwa'pɨ tɨ'nɨ searɨrɨ me'
Gɨ' nɨrɨxɨ'mea'yɨ'ne', nionɨ e nɨsearɨrɨ ai' xa'mɨ seyɨ'ne' tɨ'nɨ 
nɨŋwearɨ nɨseare'wapɨyirɨ'na' a'ma' kwi'yɨ'pɨ tɨ'gɨ'a' wi'yo'nɨŋɨ' 
seare'wapɨyipaxɨ' mimo'nɨgɨ'a'rɨnɨ. A'ma' kwi'yɨ'pɨ mayɨ' imo'nɨgɨ'a' 
Gorɨxomɨ mɨxɨ'darɨgɨ'a'yo ure'wapɨyarɨŋwa'pa axɨ'pɨ 
seare'wapɨyiŋa'rɨnɨ. A'ma' Kiraisomɨ iwamɨ'o' nɨxɨ'dɨrɨ'na' o tɨ'nɨ 
rɨxa ika'rɨnɨgɨ'a'yɨ'ne' aiwɨ sɨnɨ pɨ'opia yapɨ imo'nɨŋa'na' 
seare'wapɨyiŋa'rɨnɨ.
Seyɨ'ne' wa'ɨ' rɨmearɨŋwa'one na'nɨ dɨŋɨ' nɨmoro'na' rɨpɨnɨ 
mo'ɨ'rɨxɨnɨ, “Awa Kiraiso apɨ e'ɨ'rɨxɨnɨrɨ wimo'narɨŋɨ'pɨ epɨ'rɨ na'nɨ 
xegɨ' xɨna'i'wa'nɨŋɨ' imo'nɨgɨ'a'warɨ'anɨ? Xwɨyɨ'a' oya' yumɨ'i' 
rɨnɨŋɨ'pɨ a'waŋɨ' wurɨyipɨ'rɨ na'nɨ xegɨ' bosɨwowa'nɨŋɨ' 
imo'nɨgɨ'a'warɨ'anɨ?” yaiwi'ɨ'rɨxɨnɨ.
Xwɨyɨ'a' bɨ rɨpɨ seyɨ'ne' na'nɨ rɨnɨmearɨnɨ, “Jisasoya' sɨyikɨ' 
imo'nɨgɨ'a' Korinɨyo ŋweagɨ'a'yɨ' wi' ɨ'wɨ' inarɨŋoɨ.” rɨnɨmearɨnɨ. 
Ɨ'wɨ' apɨ e'ma' Gorɨxomɨ mɨxɨ'darɨgɨ'a'yɨ' ai' xe oinɨ'poyɨnɨrɨ sɨŋwɨ' 
mɨwɨnarɨgɨ'a'pɨ na'nɨ seararɨŋɨnɨ. Segɨ' wo xanoya' apɨxi' tɨ'nɨ ɨ'wɨ' 
ninayi'ɨ'isa'na' mea'nɨgɨ'i' eŋagɨ na'nɨ rarɨŋɨnɨ.
Segɨ'yɨ' wo xegɨ' imo'nɨŋɨ' wo tɨ'nɨ xwɨyɨ'a' imɨxɨpɨsi na'nɨ 
nimo'nɨrɨ'na', arɨge nerɨ “A'ma' Gorɨxoya' imo'nɨgɨ'a'yɨ' tɨ'nɨ 
nɨrɨrane pi'ra'nɨŋɨ' oyeaimɨxɨ'poyɨ.” mɨyaiwi' ayo nɨmu'rorɨ “A'ma' 
Gorɨxoya' mimo'nɨgɨ'a'yɨ' tɨ'nɨ nɨrɨrane pi'ra'nɨŋɨ' oyeaimɨxɨ'poyɨ.” 
nɨyaiwirɨ wigɨ' opisɨ' aŋɨ' tɨ'ŋɨ' e na'nɨ warɨŋɨ'rɨnɨ?
Seyɨ'ne' payɨ' nearo yarɨŋɨ' nigɨ'a'pɨ na'nɨ a'waŋɨ' bɨ osearɨmɨnɨ. 
Oyɨ, a'ma' apɨxɨ' bɨ mɨmeapa nerɨ'na'yɨ', ayɨ' naŋɨ' yarɨŋoɨ.
Seyɨ'ne' payɨ' nearo naŋwɨ' a'ma' wigɨ' mimo'nɨ' ŋwɨ'a' imo'nɨŋɨ'pɨ 
na'nɨ rɨdɨyowa' yarɨgɨ'a'pɨ na'nɨ yarɨŋɨ' nigɨ'a'pɨ na'nɨ bɨ 
osearɨmɨnɨ. Ayɨ' neparɨnɨ. Seyɨ'ne' rɨ'wamɨŋɨ' nearo nɨrɨgɨ'a'pa 
Jisasomɨ dɨŋɨ' wɨkwɨ'roŋwae'ne nɨnenenɨ rɨxa nɨjɨ'a' imo'nɨŋwae'nerɨnɨ. 
Ayɨ' nepa imo'nɨŋagɨ aiwɨ rɨpɨ osearɨmɨnɨ. A'ma' “Rɨxa nɨjɨ'a' 
imo'nɨŋa'onɨrɨ'anɨ?” nɨwimo'nɨrɨ'na', dɨŋɨ' apimɨ da'nɨ wa'rɨxa 
imo'narɨgɨ'a'rɨnɨ. E nerɨ ai' a'ma' wi'yo dɨŋɨ' sɨpi' nɨwirɨ arɨra' 
nɨwirɨ'na' apimɨ da'nɨ Jisasoya' sɨyikɨ' imo'nɨŋwae'ne sɨ'kɨ'kɨ' a'mɨ 
bɨ ea'mɨxɨnarɨŋwa'rɨnɨ.
“O a'xeŋwarɨ' inɨŋorɨnɨ.” rɨniaiwiarɨŋoɨ? “Jisasoya' wa'ɨ' 
wurɨmeiarɨŋɨ' wo mimo'nɨnɨ.” rɨniaiwiarɨŋoɨ? “O negɨ' A'mɨna' Jisasomɨ 
sɨŋwɨ' mɨwɨnɨŋorɨnɨ.” rɨniaiwiarɨŋoɨ? “O A'mɨna'o na'nɨ wa'ɨ' 
neararɨŋɨ'pimɨ da'nɨ dɨŋɨ' wɨkwɨ'roŋwae'ne menɨnɨ.” rɨyaiwinarɨŋoɨ?
Gɨ' nɨrɨxɨ'mea'yɨ'ne', negɨ' nea'rɨ'awe'yɨ' yagɨ'a'pɨ na'nɨ dɨŋɨ' 
mopɨ'rɨ na'nɨ bɨ osearɨmɨnɨ. Ayɨ' nɨ'nɨ Moseso Isipɨyɨ' aŋɨ'yo da'nɨ 
nɨwirɨmea'mɨ nurɨ'na' agwɨ' Gorɨxo nipemea'mɨ u'wɨnɨgɨnɨrɨ tɨŋɨ'pimɨ 
sɨmaŋwɨ'yo'nɨŋɨ' i'nɨmɨ nɨŋwea'ma'na' nu'mɨ wagɨ'a'rɨnɨ. Nɨ'nɨ enɨ ipi' 
Ragɨ' rɨŋoyɨ rɨnɨŋɨ'wa' nɨxero'na' mɨdɨmɨda'nɨ eadɨkiowa'rɨnɨŋa'na' 
a'wɨnɨmɨ nɨxe'a ugɨ'awixɨnɨ.
Nionɨ Kiraiso yagɨ'pɨ ikanɨŋɨ' wiarɨŋa'pa seyɨ'ne' enɨ nionɨ ikanɨŋɨ' 
ni'ɨ'rɨxɨnɨ.
Gɨ' nɨrɨxɨ'mea'yɨ'ne', seyɨ'ne' payɨ' nearo Gorɨxo xegɨ' kwi'yɨ'pɨ 
sɨxɨ' seami'moŋɨ'pimɨ da'nɨ e e epaxɨ' imo'nɨ'ɨ'rɨxɨnɨrɨ seaimɨxɨŋɨ' 
seyɨ'ne' yarɨŋɨ' nigɨ'a'pɨ na'nɨ “Seyɨ'ne' xe majɨ'a' nero oe'poyɨ.” 
mɨnimo'narɨnɨ.
Nionɨ gwɨ' wɨrɨ' wɨri' xwɨyɨ'a' mɨ'kɨ' a'ma'ranɨ, aŋɨ'najɨ'ranɨ, 
rarɨgɨ'a'pimɨ da'nɨ ananɨ rɨpaxɨ' nimo'nɨrɨ ai' a'ma'yo dɨŋɨ' sɨpi' 
mɨwipa nerɨ'na'yɨ', surɨ'ma' nɨra'rɨrɨ berɨ' ikaxɨ' nɨrɨrɨ'na' 
yaiwi'nɨŋɨ' ya'rarɨŋɨ'pa'nɨŋɨ' imo'nɨmɨ'ɨnɨ. Soŋɨ' udɨ'a' xa'mɨ 
mɨŋwɨra'rɨpa nema'na' ea'a'na' rarɨŋɨ'pa'nɨŋɨ' enɨ imo'nɨmɨ'ɨnɨ.
Seyɨ'ne' “A'ma'yo dɨŋɨ' sɨpi' owianeyɨ.” nɨyaiwiro anɨŋɨ' minɨ' 
xɨ'dɨ'ɨ'rɨxɨnɨ. E nero ai' Gorɨxo apɨ apɨ e imo'nɨ'ɨ'rɨxɨnɨrɨ 
kwi'yɨ'pimɨ da'nɨ seaimɨxarɨŋɨ'pɨ “Apɨ apɨ oimo'naneyɨ.” nɨyaiwiro 
sɨ'mɨ' nɨxeadɨ'pe'nɨro aiwɨ na' bɨnɨ ayɨ' oya' xwɨyɨ'a' a'ma'yo wɨ'a' 
uro'kiamopaxɨ' imo'nɨpɨ'rɨ na'nɨ aŋɨpaxɨ' sɨ'mɨ' xeadɨ'pe'nɨ'ɨ'rɨxɨnɨ.
Gɨ' nɨrɨxɨ'mea'yɨ'ne', xwɨyɨ'a' yayɨ' neainarɨŋɨ' nionɨ wa'ɨ' 
searɨŋa'pɨ —Apɨ seyɨ'ne' arɨ'a' nɨnirɨ'na' “Neparɨnɨ.” nɨyaiwiro dɨŋɨ' 
nɨwɨkwɨ'roro i'kɨ'a' xwɨ'a' ai' tɨ'nɨ nerɨ'na' sɨ'kɨ'kɨ' nonɨrɨ 
roarɨŋɨ'pa seyɨ'ne' enɨ axɨ'pɨ xwɨyɨ'a' apɨ tɨ'nɨ sɨ'kɨ'kɨ' nonɨrɨ 
rogɨ'a'pɨrɨnɨ. Apɨ na'nɨ dirɨrɨ' oseaimɨnɨ.
