Afa ka Pol God kam wegfu fwahag asa Godna sawieg la ka Sisas Kraisna 
kanog fwahag el feg. Afa bigelni nilite Sostenes ka i hawag fena.
Kana nilite maia ka nem blo nangwagiba afa ka nem Godna suialag mo 
sihinugef. Afa ka mas nem haig haig kwania mo sihinuge ofenai anwena el 
lofei.
Kana nilite, ka nengel nanam gofiba ka mas nem enaig sihifeni asa ka 
elim Godna Sungwabugni figim fasihinfe. Afa ka nem enaig sihifenig 
ofenai ne bitenai el lofug. Afa Kraisna nihe patalfuiagim nengel eba 
ninginai luwal lofug.
Afa nengel sa ne enaig onigifi kagel Kraisna gafugag el fig. God 
kagelim wegfu fwatig afa heafna mo el mas anwenafig mo asa enam ambala 
sihiafugum.
Ka higig el enaig sihiagiafu og aga taitu nihe nengel nai yi go. Afa 
kati higig el mungu nengel nai yi heafna alagna angwagi ahwag. Afa enag 
nihe eba fwina amtakwaleg asa afwambanai el mas ese.
Afa maia nengel nai yi el mungu nilitem olug kinig fenagba masa ese 
gavmanna kot la ahkafe. Haigsegba sa ne el Godim anwenafenag fwainig 
gaba afug? Eba Kraisna el sa ma eheninigim kwefihianuge.
Autunam ne kam ginof ningihini asa glau ko ka nengelni sahigim pese 
sihini. Afa saglag angwafig i hawagig fwainig eba suialafeg.
Autunam ne kam fane mwakwal godim faig na mom sahini. Afa glanu koka 
enam sihi. Eba nufunam big suialag anwena ati flig. Afa el anwenagna 
fig eba hefum fingi fig afa el mingnagim membegonug eba mingnagim fingi 
fekukug.
Afa ka mas nihe mo ahnai skaufei. Afa ka kanog fwatig el feg afa ka 
bigelni Ainiyag Sisasim ati nangug. Afa ka Ainiyagna gafugagim esegba 
asa nengel olug waikefig.
O nilite, ka membeg sa ne enam pese onigim. Ati ne anwenafig bigelni 
simbianingag Mosesim patalfuna afa leango ehengelim sagfla fakani afa 
suialagna kwania bum apaiyegonam ehegam magigim afuna.
Afa ka Kraisna nihem esegba sa ne gwenaig kana nihem esi.
Kana nilite koka nem sihinibi sa ne numwehe anwenafi asa haig haig 
wasneig Godna Sungwabug bigim faig.
Afa sa ka elni haig haig mona afa oflanai elni mona sihiagba afa sa ka 
elim membenig fwainigba eba kana mo lagig ofenaiba li megim tigigbi asa 
esug lago afa ofenaiba ainim heugugbi asa gokonig.
Afa membug nihem sa ne numwehe kehli afa mingnag Godna Sungwabugni 
wasneig gafa sa ne enam membinim fli. Afa Godna mo fli sihiag enag 
wasneig eba sa ne enam fwinam membenam fli.
Kana nilite, autunam sa ka nem Godna suialag mo sihi fwahani afa glau 
enam koka nengelni onigigim pese ilafatigi. Afa ena mo sa ne flini asa 
ne enana olug onigigim wasneig afohiafena.
